Ordhia e zezë erdhi natën, krejt e padukshme. Erdhi, por me parë kishte studiuar çdo tipar të zijoshëve, adetet dhe terrenin. Erdhi e zezë dhe ashtu u zvarritë me shekuj në këto troje, duke iu përshtatur rrethanave të reja. Edhe para shumë shekujsh, ordhisë së zezë i duheshin, rrogëtarë, hyzmeqar, të pabesë, satrap, kasap, hileqar, poshtërues të njeri tjetrit, që në Zezë nuk kanë munguar kurrë. Lakmia e zijoshëve për pozita, për dekorata vezullore e gacatore, për mirënjohje me shkrola të palexueshme në gjuhë të huaj, u pa me kohë nga çdo pushtet që u vendos në Zezë.